Cymraeg gyda Blwyddyn mewn Gwaith (llwybr i fyfyrwyr iaith gyntaf) BA (Hons)

Mae’r cwrs unigryw yma yn rhoi’r cyfle euraid i fyfyrwyr dreulio 9-12 mis yn y byd gwaith ac ennill profiadau a sgiliau amhrisiadwy. Mae’n gwrs pedair blynedd, gyda myfyrwyr yn treulio eu trydedd flwyddyn mewn swydd. Gall y lleoliad fod yn y sector cyhoeddus, preifat neu wirfoddol.<br/><br/>Beth yw dylanwad rhyngwladol y Gymraeg? Sut mae’r iaith yn gyfrwng diwylliant? Pa mor bwysig a pherthnasol yw creu cynnwys drwy gyfrwng iaith leiafrifol yn yr oes sydd ohoni? Dyma rai o gwestiynau mawrion BA Cymraeg (Iaith Gyntaf) Prifysgol Abertawe.<br/><br/>Dewch i ymgolli mewn llenyddiaeth a barddoniaeth Gymraeg, ochr yn ochr â dysgu am hanes cymdeithasol, diwylliannol a gwleidyddol yr iaith.<br/>Byddwch yn astudio amrywiaeth eang o lenyddiaeth gan gynnwys dramâu, straeon byrion a nofelau, yn ogystal â barddoniaeth or traddodiad barddol canoloesol i ganeuon protest modern.<br/><br/>Byddwch yn meithrin dealltwriaeth gadarn o iaith a gramadeg Cymraeg, sosioieithyddiaeth a pholisi cynllunio iaith, ac yn dysgu sgiliau cyfieithu gwerthfawr.<br/><br/>Drwy gydol eich astudiaethau, byddwch yn meithrin sgiliau ymchwil a dadansoddi ardderchog ac yn dysgu sut i gyflwyno eich syniadaun effeithiol ar lafar ac yn ysgrifenedig, gan agor y drws at nifer fawr o yrfaoedd amrywiol.<br/><br/>**Pam Cymraeg (Llwybr i Fyfyrwyr Iaith Gyntaf) yn Abertawe?**<br/>Mae gradd BA Cymraeg o Brifysgol Abertawe yn bwrw golwg eang ar y Gymraeg mewn cyd-destun rhyngwladol, gan drafod polisiau iaith, llenyddiaeth y byd a chyfieithu.<br/><br/>Mae’r modiwlau wedi’u cynllunio gan ymchwilwyr uchel eu parch yn eu meysydd arbenigol, gyda golwg ar sicrhau eich bod yn meithrin sgiliau trosglwyddiadawy fydd o ddefnydd i chi ym myd gwaith.<br/><br/>**Mae Astudiaethau Celtaidd yn Abertawe:**<br/>• 2il yn y DU yn gyffredinol (Times Good University Guide 2025)<br/><br/>Eich Profiad Cymraeg (Llwybr i Fyfyrwyr Iaith Gyntaf)<br/>Mae pob cam o’n cwrs gradd BA Cymraeg (Iaith Gyntaf) wedi’i gynllunio i sicrhau eich bod yn datblygu’n gyfathrebwyr hyderus ac yn ymchwilwyr craff.<br/><br/>Mae teilwra ein modiwlau a’n hasesiadau i’ch galluogi i feithrin y sgiliau proffesiynol y mae cyflogwyr yn rhoi gwerth arnynt yn bwysig iawn i ni, ac rydym yn cydweithio gyda sefydliadau yng Nghymru a thu hwnt er mwyn sicrhau bod ein cwrs gradd yn ateb y galw.<br/><br/>Rydym yn cynnig amrywiaeth eang o ddulliau asesu sydd wedi’u cynllunio’n ofalus er mwyn eich galluogi i ennyn sgiliau bydd yn eich helpu chi i gyflawni eich nodau gyrfa neuch uchelgeisiau ar gyfer astudiaethau ôl-raddedig.<br/><br/>Fel un o’n cymuned ddysgu, byddwch yn derbyn cymorth addysgol heb ei ail.