Cymdeithaseg gyda Pholisi Cymdeithasol BA (Hons)

This is a Welsh-medium course. See Sociology and Social Policy LL34 for the English-medium course. Cwrs cyfrwng Cymraeg yw hwn. Gweler Sociology and Social Policy LL34 am y cwrs cyfrwng Saesneg. <br/><br/>Caiff y BA Cymdeithaseg gyda Pholisi Cymdeithasol ei dysgu’n gyfan gwbl drwy gyfrwng y Gymraeg ac mae’n gwrs delfrydol os ydych chi’n breuddwydio ryw ddydd am wella amodau cymdeithasol a lles yng Nghymru neu ar ran dinasyddion Cymru.<br/><br/>Yn ogystal ag archwilio problemau cenedlaethol a byd-eang, megis anghydraddoldeb neu newid yn yr hinsawdd, mae ein pwyslais ar Gymru a materion Cymreig yn rhoi ymdeimlad gwirioneddol or hyn syn digwydd mewn cymunedau lleol. Byddwch yn ystyried materion cymdeithasol dybryd fel digartrefedd a diffyg tai fforddiadwy, er enghraifft, neu gysylltiad band eang gwael yng nghefn gwlad Cymru.<br/><br/>Mae’r cwrs cyfrwng Cymraeg hwn yn Gymdeithaseg gyda Pholisi Cymdeithasol yn darparu sylfaen gadarn yng nghysyniadau ac ymagweddau allweddol dwy ddisgyblaeth sy’n ategu ei gilydd. Mae Cymdeithaseg yn edrych ar achosion ac effaith problemau cymdeithasol, tra bod Polisi Cymdeithasol yn darparur wybodaeth i fynd ir afael yn well ag anghenion a hawliau cymdeithas. Maer rhaglen radd hefyd yn addas ar gyfer y rhai sydd â diddordeb mewn gweinyddiaeth gyhoeddus.<br/><br/>Mae opsiynau Blwyddyn Profiad Rhyngwladol a Blwyddyn ar Leoliad ar gael ar gyfer y cwrs hwn. Bydd gennych y cyfle i ystyried yr opsiynau hyn yn llawn ar ôl cychwyn eich cwrs ym Mangor a gallwch wneud cais i drosglwyddo i un o’r opsiynau yma ar yr adeg priodol. Mae mwy o wybodaeth am yr opsiynau hyn ar ein gwefan, ac mae croeso i chi gysylltu â ni os oes gennych unrhyw ymholiad.<br/><br/>Os nad oes gennych mor cymwysterau gofynnol ar gyfer cwrs lefel gradd hwn, neu os ydych am fynd yn ôl i addysg yn dilyn cyfnod i ffwrdd, yna gall Rhaglen Blwyddyn Sylfaen fod y dewis iawn i chi. Gwnewch gais am Cymdeithaseg (gyda Blwyddyn Sylfaen) L30F.