Astudiaethau Addysg Gynradd (Dwyieithog) (gyda Blwyddyn Sylfaen) / Primary Education Studies (Bilingual) (with Foundation Year) Bachelor of Arts (with Honours) - BA (Hons)

This is a four-year programme that includes a year of foundational study at our Llandaff campus (delivered in English) and leads directly into the degree course, which will be taught bilingually at our Cyncoed campus. Our foundation year offers the chance to strengthen your skills, knowledge and confidence, before you advance to stage one of your honours degree.

Bydd y radd hon mewn Astudiaethau Addysg Gynradd ym Met Caerdydd yn eich paratoi ar gyfer gyrfa ym maes addysg, gan gynnwys addysgu. Drwy ganolbwyntio ar y sector cynradd, byddwch yn astudio systemau, prosesau a dulliau addysgol ac yn dysgu sut mae amgylchiadau cymdeithasol, diwylliannol, economaidd a gwleidyddol yn effeithio ar brofiadau ym maes addysg. Byddwch hefyd yn datblygu sgiliau drwy ddefnyddio gwahanol fathau o dechnoleg, gan ddysgu sut i'w defnyddio'n effeithiol yn eich astudiaethau ac mewn cyd-destunau gwaith.

Byddwch yn ymgymryd â dau leoliad gwaith lle byddwch chi’n cael cipolwg ymarferol ar yrfaoedd o fewn ac y tu allan i addysg gynradd, gan eich cyflwyno i swyddi ym maes AAA, dysgu awyr agored, addysg gymunedol ac addysg amgen, addysg a gofal blynyddoedd cynnar, a swyddi yn y trydydd sector. Mae'r radd hon yn cynnwys cyfleoedd i gael profiadau o fod ar leoliad ar y campws, gan ddefnyddio mannau arbenigol Met Caerdydd, Tŷ Froebel a'r Ganolfan Ddysgu Awyr Agored; ac mae lleoliad rhithwir yn darparu cyfleoedd ar gyfer profiad gwaith gydag ysgolion a sefydliadau rhyngwladol.

Mae gan dîm y cwrs gysylltiadau cryf ag ystod eang o ysgolion, lleoliadau a sefydliadau a thrwy hynny mae cyfleoedd i chi gymryd rhan mewn gweithgareddau allgyrsiol ochr yn ochr â'ch astudiaethau yn cael eu creu. Mae'r rhain yn digwydd ar y campws ac o fewn y gymuned ehangach ac yn cynnwys teithiau maes, gweithgareddau codi arian a chyfleoedd i gymryd rhan mewn prosiectau. Mae'r rhain yn cyfoethogi eich profiad prifysgol, gan eich galluogi i ddyfnhau eich ymdeimlad o berthyn i gymuned Astudiaethau Addysg Gynradd (PES) tra hefyd yn datblygu sgiliau newydd a gwella eich proffil proffesiynol.

Mae gan fodiwlau bwyslais cryf ar gymhwyso theori i ymarfer, gyda phrofiadau addysgu a dysgu wedi'u gwreiddio yn y 'byd go iawn', sy’n eich cefnogi tuag at ddod yn fyfyriwr graddedig creadigol, addasadwy a gwybodus, sydd â sgiliau cyflogadwyedd, ac sy’n gallu cymhwyso'r wybodaeth, y sgiliau a'r profiadau a gafwyd o'ch gradd fel sail ar gyfer astudiaeth bellach, hyfforddiant neu gyflogaeth/hunangyflogaeth yn y dyfodol.

Mae dau lwybr astudio ar gael:


• BA (Hons) Primary Education Studies



• BA (Anrh) Astudiaethau Addysg Gynradd (Dwyieithog)