Cymraeg gyda Blwyddyn mewn Gwaith (llwybr i fyfyrwyr iaith gyntaf) BA (Hons)

Mae’r cwrs unigryw yma yn rhoi’r cyfle euraid i fyfyrwyr dreulio 9-12 mis yn y byd gwaith ac ennill profiadau a sgiliau amhrisiadwy. Mae’n gwrs pedair blynedd, gyda myfyrwyr yn treulio eu trydedd flwyddyn mewn swydd. Gall y lleoliad fod yn y sector cyhoeddus, preifat neu wirfoddol. Ceir cyfleoedd hefyd i weithio dramor. Bydd Adran y Gymraeg a’r Brifysgol yn rhoi cefnogaeth lawn i fyfyrwyr wrth chwilio am leoliad, yn ogystal ag yn ystod y flwyddyn ei hun. Ein nod yw sicrhau bod gan ein graddedigion sgiliau rhagorol fel y gallant gystadlu a llwyddo yn y farchnad swyddi. <br/>Mae nifer o gyflogwyr wedi datgan eu cefnogaeth i’r cwrs BA Cymraeg gyda Blwyddyn mewn Gwaith. Yn ôl Gwyn Williams, Cyfarwyddwr Cyfathrebyu S4C: “Wrth gyflogi staff ar gyfer ein hadran gyfathrebu yn S4C, mae profiad o’r byd gwaith yn allweddol. Byddai cwrs fel hwn, sy’n cyfuno astudiaeth academaidd a phrofiad ymarferol, yn werthfawr tu hwnt.” <br/>O ran y modiwlau sy’n cael eu hastudio yn y Brifysgol ei hun, ceir amrywiaeth eang o themâu. Bydd modd dewis o blith modiwlau iaith a llenyddiaeth, a modiwlau’n ymwneud â pholisi iaith, deddfau iaith ac amlddiwylliannedd.   <br/>Mae staff Adran y Gymraeg yn derbyn bri rhyngwladol am eu gwaith ymchwil. Mae dau Brifardd ac enillwyr Llyfr y Flwyddyn ymhlith aelodau o staff yr Adran. Mae ein campws yn dafliad carreg yn unig o’r traeth ac eto i gyd wedi ei leoli mewn dinas fywiog. Yn Abertawe, ceir y gorau o’r ddau fyd! <br/>Bydd astudior cwrs hwn yn cynnig amrywiaeth o gyfleoedd gyrfa cyffrous drwy eich helpu i ddatblygu sgiliau y mae cyflogwyr yn eu gwerthfawrogin fawr.<br/>Dewch draw i’n Diwrnod Agored nesaf neu cysylltwch am ragor o wybodaeth.<br/>https://www.swansea.ac.uk/cy/cymraeg/<br/><br/>