Y Gyfraith a'r Gymraeg LLB (Hons)

Mae rhaglen LLB y Gyfraith ar Gymraeg yn heriol ac yn gyffrous ac yn rhoi cyfle ichi feithrin y sgiliau sydd eu hangen ar gyfer gyrfa yn y gyfraith neu amrywiaeth eang o broffesiynau. Mae’r rhaglen yn cael ei haddysgu ar y cyd gan ysgolion y Gymraeg, a’r Gyfraith a Gwleidyddiaeth, gan roi cyfle i chi astudio’r naill ddisgyblaeth a’r llall yn fanwl.<br/><br/>Mae rhaglen y Gyfraith (LLB) a’r Gymraeg wedi’i chynllunio i ddatblygu eich gwybodaeth a’ch dealltwriaeth o sut mae’r system gyfreithiol yn gweithio mewn cyd-destun cymdeithasol, economaidd a gwleidyddol sy’n newid, a sut mae’r gyfraith yn cael ei harwain gan y cyd-destun hwnnw. Mae Datganoli a gofynion dwyieithog cyfraith Cymru ym mywyd cyhoeddus Cymru yn golygu bod cyflogwyr yn gwerthfawrogi sgiliau cyfathrebu Cymraeg uwch a chymhwysedd diwylliannol. Drwy gyfunor Gymraeg âr Gyfraith, byddwch yn ennill sgiliau meddwl creadigol a beirniadol allweddol, ac yn elwa ar ymchwil syn berthnasol yn gymdeithasol, ac syn cyfrannu at ddatblygiad y Gymraeg yn yr unfed ganrif ar hugain.<br/><br/>Yn ogystal âr sgiliau academaidd y byddwch chin eu datblygu, ar wybodaeth y byddwch chin ei meithrin trwy ein modiwlau amrywiol, rydyn nin cynnig ystod o gyfleoedd ar gyfer datblygiad proffesiynol a rhoi eich sgiliau ar waith. Mae ein cynlluniau pro bono yn gweithio mewn partneriaeth â chyfreithwyr, elusennau, a sefydliadau gwirfoddol, gan helpu aelodau or gymuned gyda materion cyfreithiol, yn rhad ac am ddim. Trwyr cynlluniau hyn, a thrwy weithio ar achosion go iawn, byddwch yn datblygu sgiliau mewn gofal cleientiaid, ymchwil gyfreithiol, ysgrifennu a siarad cyhoeddus, a chyfathrebu o bob math.<br/><br/>Gyda golwg ar eich dilyniant yn y gyfraith, mae ein rhaglen yn cynnig y pynciau craidd sy’n ofynnol gan Fwrdd Safonau’r Bar ar gyfer bargyfreithwyr yn y dyfodol ac sydd hefyd yn sylfaen i ymarfer fel cyfreithiwr. Byddwch yn ennill y wybodaeth ar sgiliau sydd eu hangen arnoch chi, tra bydd modiwlau dewisol yn eich galluogi i ddatblygu diddordebau arbenigol neu ymchwilio i bynciau cyfreithiol amrywiol.<br/><br/>**Nodweddion Unigryw’r Rhaglen**<br/><br/>**Yn arbenigol ac yn uchel ein parch**<br/>Fe’n cydnabyddir am ein harbenigedd ym maes astudiaethau cymdeithasol-gyfreithiol.<br/><br/>**Wedi ennill gwobrau**<br/>Mae’r Uned Pro Bono wedi ennill nifer o wobrau ac yn cynnig profiad gwaith hanfodol<br/><br/>**Newid bywyd**<br/>Ein Prosiect Dieuogrwydd, sy’n cael ei arwain gan staff a myfyrwyr, yw’r unig brosiect yn y DU sydd wedi arwain at 2 euogfarn yn cael eu gwrthdroi yn y Llys Apêl.<br/><br/>**Cysylltiadau**<br/>Byddwch yn elwa ar ein cysylltiadau agos â Llywodraeth Cymru, cwmnïau cyfreithiol y ddinas, y llysoedd a chanolfannau cynghori.<br/><br/>**Astudio’n ddwyieithog**<br/>Rydym yn cynnig darpariaeth cyfrwng Cymraeg arloesol ac o ansawdd uchel ym mhob modiwl craidd, yn ogystal â dewis o opsiynau.<br/><br/>**Cymuned lewyrchus**<br/>Byddwch yn gwneud cysylltiadau drwy Undeb Myfyrwyr Cymraeg Caerdydd, mewn neuaddau preswyl Cymraeg ar Academi Gymraeg newydd.