Cymraeg/Mathematics BA (Hons) BA (Hons) BA (Hons)

Trwy ddewis astudio’r Gymraeg a Mathemateg ym Mhrifysgol Aberystwyth byddwch yn perthyn i ddwy adran sydd wedi’u hen sefydlu a chanddynt dros 100 mlynedd o brofiad o ymchwilio a dysgu’r ddau egwyddor ond sydd hefyd yn addysgu’n ddeinamig mewn modd sy’n procio’r meddwl. Os oes gennych ddiddordeb mewn datblygu ac ymchwilio i drysorau pellach ym myd Iaith a Llenyddiaeth Gymraeg a chanfod adnabyddiaeth a dadansoddiad o siapiau a phatrymau trwy gasglu a chyfrifo data, dyma’r radd i chi. Canfyddwch ddisgyblaeth sy’n cyfuno adnabod a dadansoddi siapiau a phatrymau trwy gasglu a chyfrifo data. <br/><br/>Dysgir Mathemateg yn Aberystwyth ers 1872, felly mae gan yr adran dros 140 o flynyddoedd o ragoriaeth dysgu, ac yn cyflogi darlithwyr sy’n addysgwyr ymroddedig ac yn ymchwilwyr sy’n cael eu cydnabod yn rhyngwladol. Bydd gradd mewn Mathemateg yn agor ystod eang o lwybrau gyrfa i chi, ac mae’r radd hon wedi’i hachredu gan y **Sefydliad Mathemateg a’i Chymwysiadau (IMA),** sef prif gymdeithas ddysgedig a phroffesiynol y DU ar gyfer mathemateg, a fydd yn cyfrannu’n uniongyrchol at gael eich cydnabod yn Fathemategydd Siartredig. <br/><br/>Mae amrywiaeth hynod ddiddorol o cyrsiau unigol ar gael yn yr Adran, sy’n adlewyrchu diddordebau ymchwil diweddaraf ein darlithwyr: hanes ein llên a llenyddiaeth gyfoes, theori lenyddol, llenyddiaeth plant, llên gwerin, astudiaethau menywod ac astudiaethau rhywedd, ysgrifennu creadigol a sgriptio, cyweiriau a thafodieithoedd y Gymraeg, yr iaith mewn cyd-destunau proffesiynol, cyfieithu ac addasu, y Gymraeg ar cyfryngau, cymdeithaseg yr iaith Gymraeg.<br/><br/>Iaith Gyntaf ac Ail Iaith: mae’r cynllun gradd hwn yn cynnwys llwybrau Ail Iaith ac Iaith Gyntaf. Mae’r Adran yn cynnig nifer o fodiwlau trwy gyfrwng y Gymraeg.<br/><br/>Y Llyfrgell Genedlaethol Cymru: Yn ogystal â’r adnoddau helaeth sydd gan y Brifysgol, mae’r Adran ar stepen drwys y Llyfrgell Genedlaethol Cymru.<br/><br/>Adran sy’n Agorau Drysau: Mae llu o bosibiliadau ar gael ar ôl graddio yn y Gymraeg o Brifysgol Aberystwyth.<br/><br/>Bywyd Cymdeithasol Cymraeg Byrlymus:Yn Aberystwyth gallwch fyw drwy gyfrwng y Gymraeg a mwynhaur elfen gymdeithasol sydd ir gymuned Gymraeg yma. Ymaelodwch ag UMCA, dewch i fyw yn neuadd Pantycelyn-Penbryn, ewch ar deithiau rygbi, ymunwch â chôr Pantycelyn, ac ewch i nosweithiau megis Gwobraur Selar. <br/><br/>**Wrth gwblhau’r radd hon, byddwch wedi ennill y sgiliau isod:**<br/><br/><br/>+ Sgiliau ymchwilio a dadansoddi data;<br/><br/><br/>+ Sgiliau mathemategol a chyfrifiadurol uwch;<br/><br/><br/>+ Sgiliau datrys-problemau a meddwl creadigol effeithiol;<br/><br/><br/>+ Sylfaen drylwyr mewn technoleg gwybodaeth;<br/><br/><br/>+ Gallu i weithio’n annibynnol neu fel rhan o dîm;<br/><br/><br/>+ Sgiliau Rheoli amser a threfnu;<br/><br/><br/>+ Gallu i gyfathrebu’n eglur yn ysgrifenedig ac ar lafar;<br/><br/><br/>+ Cymell eich hun a dibynnu arnoch eich hun. <br/><br/><br/>**Mae ein graddedigion wedi cael swyddi yn y sectorau isod:**<br/><br/><br/>+ Dadansoddi ystadegol ac ystadegaeth gyfrifiadurol;<br/><br/><br/>+ Dysgu;<br/><br/><br/>+ Peirianneg Awyrenegol;<br/><br/><br/>+ Cyfrifeg a bancio;<br/><br/><br/>+ Dadansoddi Risg a gwaith actwaraidd;<br/><br/><br/>+ Rheolaeth ariannol a dadansoddi buddsoddiadau;<br/><br/><br/>+ Technoleg gwybodaeth. <br/>