Ysgrifennu Creadigol a’r Diwydiant Cyhoeddi BA (Hons)

Bydd y radd Ysgrifennu Creadigol a’r Diwydiant Cyhoeddi ym Mhrifysgol Aberystwyth yn rhoi ichi ddealltwriaeth drylwyr o’r maes. Cewch gyfle i droi’ch llaw at nifer fawr o wahanol ffurfiau creadigol, o gerddi i straeon byrion, o lên meicro i lenyddiaeth ecffrastig - gan feithrin y gallu i’w defnyddio’n bwrpasol wrth greu. At hynny, cewch eich cyflwyno i faes eang y diwydiant cyhoeddi yng Nghymru a’r tu hwnt, gyda golwg benodol ar weisg ac ar asiantaethau allweddol fel Llenyddiaeth Cymru a Chyngor Llyfrau Cymru.<br/><br/>Mae ysgrifennu’n greadigol yn sgìl allweddol sy’n cyfoethogi ein bywydau ni i gyd. Yn Aberystwyth, cewch gyfle i ddatblygu a mireinio’ch sgiliau ysgrifennu creadigol mewn Adran a chanddi draddodiad hir o arwain yn y maes hwn.<br/><br/>Mae’r cwrs hwn yn gyffrous ac yn hyblyg, ac mae’r sylw a roddir ynddo i’r diwydiant cyhoeddi ac i greadigrwydd fel ei gilydd yn ei wneud yn gwrs deinamig ac unigryw.