Cymraeg / Education BA (Hons)

Bydd y cwrs BA (Anrhydedd) Cymraeg ac Addysg yn eich galluogi i ddatblygu eich sgiliau a’ch cymwyseddau yn y Gymraeg ac astudio Llenyddiaeth Gymraeg ymhellach ochr yn ochr ag Addysg. Mae’r cynllun gradd hwn yn gyfuniad perffaith os ydych yn ystyried gyrfa ym myd addysg ynghyd â’r sgiliau cymwysedig a ddatblygir yn Adran y Gymraeg ac Astudiaethau Celtaidd. Wrth gwblhau’r radd hon yn llwyddiannus, bydd myfyrwyr yn gymwys i wneud cais am Hyfforddiant Athrawon Ôl-raddedig (TAR) Cynradd neu Uwchradd. Yn ogystal, os ydych wedi cyraedd y gofynion mynediad, bydd myfyrwyr yn gymwys i gael cyfweliad ar gyfer cwrs Hyfforddiant Athrawon Ôl-raddedig (TAR) Cynradd neu Uwchradd yn Aberystwyth. <br/><br/>Pam astudio Addysg ar Gymraeg? Cyfle i astudio modiwlau Addysg craidd a chyfuno elfennau damcaniaethol ac ymarferol y Gymraeg ac Astudiaethau Celtaidd. Cael eich dysgu gan bobl broffesiynol yn cynnwys athrawon, a chael darlithoedd hefyd gan brif ymchwilwyr yn y maes hwn. Cyfle i wella eich gallu i gydweithio ag eraill. <br/><br/>Dysgu mewn amgylchedd eithriadol â chyfleusterau o’r radd flaenaf. Bydd astudio am radd yn y Gymraeg yn dy arfogi ag amrywiaeth eang o sgiliau trosglwyddadwy sydd yn werthfawr iawn i gyflogwyr. Mae’r rhain yn cynnwys: <br/><br/><br/>- ymchwilio a dadansoddi data; <br/><br/><br/>- meddwl yn greadigol a datrys problemau’n effeithlon; <br/><br/><br/>- gweithio’n annibynnol; <br/><br/><br/>- trefnu a rheoli amser, gan gynnwys y gallu i gwrdd terfynau amser tynn; <br/><br/><br/>- mynegi syniadau a chyfathrebu gwybodaeth yn glir a threfnus, ar lafar ac yn ysgrifenedig; <br/><br/><br/>- hunan-gymhelliant a hunan-ddibyniaeth;<br/><br/><br/>- gwaith tîm, gallu trafod cysyniadau mewn grwpiau, gan drafod amrywiol syniadau a dod i gytundeb; <br/><br/><br/>- sgiliau technoleg gwybodaeth.<br/><br/><br/>Mae ein graddedigion wedi bod yn llwyddiannus yn y meysydd: Dysgu a Addysg; Darlledu; Gofal Cymdeithasol; Nyrsio; Therapi lleferydd; Marchnata a Chyfathrebu; Llywodraeth Leol.