Cymraeg a Cherddoriaeth Bachelor of Arts (with Honours) - BA (Hons)

Byddwch yn ennill cyfoeth o sgiliau a gwybodaeth drosglwyddadwy, gan agor y drysau i amrywiaeth o lwybrau gyrfa, gyda'n BA mewn Cymraeg a Cherddoriaeth. A byddwch hefyd yn cael y cyfle i fynd ar leoliad gwaith ar draws y ddau bwnc i ddatblygu eich gwybodaeth broffesiynol a rhoi eich dysgu ar waith yn y byd gwaith.

Bydd eich astudiaethau Cymraeg yn eich helpu chi i ddatblygu dealltwriaeth academaidd ac ymarferol drylwyr o’r Gymraeg, ei llenyddiaeth a’i diwylliant, lefel uchel o sgiliau mewn Cymraeg ysgrifenedig a llafar, a sgiliau cyflogadwyedd a chreadigol datblygedig sy’n berthnasol i’r Gymru fodern. Bydd eich astudiaethau cerddoriaeth, ar y llaw arall, yn hyblyg ac yn heriol, gan adeiladu sylfaen drylwyr mewn estheteg cerddoriaeth, dadansoddi, cyfansoddi, ethnogerddoleg, hanes cerddoriaeth a pherfformio a chaniatáu ichi arbenigo a datblygu eich diddordebau eich hun.

Mae Caerdydd yn lle gwych i astudio cerddoriaeth fel canolfan i'r celfyddydau a'r diwydiannau creadigol a chartref Opera Cenedlaethol Cymru a Cherddorfa Genedlaethol Gymreig y BBC.

Nodweddion Unigryw’r Rhaglen

Eich offeryn o ddewis

Cyrhaeddwch eich llawn botensial drwy hyfforddiant offerynnol sydd wedi'i ariannu'n llawn.

Cymuned lewyrchus

Gwnewch gysylltiadau drwy Undeb Myfyrwyr Cymru, neuaddau preswyl Cymraeg a'r Academi Gymraeg.

Lleoliad cerddoriaeth

Archwiliwch yr hyn sydd gan y busnes cerddoriaeth i'w gynnig, a datblygwch eich sgiliau proffesiynol gyda lleoliad gwaith.

Cysylltiadau’r brifddinas

Wedi'i lleoli'n ddelfrydol gyda chysylltiadau â sefydliadau diwylliannol, gwleidyddol, treftadaeth a chyfryngau i'ch helpu i symud ymlaen.

Perfformio a chysylltiadau â’r diwydiant

Cysylltwch â cherddorion drwy weithdai cyfansoddi, dosbarthiadau meistr perfformio, a chyfresi cyngherddau.