Cymraeg Bachelor of Arts (with Honours) - BA (Hons)

Ar ein gradd BA mewn Cymraeg, byddwch yn datblygu dealltwriaeth drylwyr o'r Gymraeg, ei llenyddiaeth a'i diwylliant. Byddwch yn cyflawni lefel uchel o sgiliau mewn Cymraeg ysgrifenedig a llafar, sgiliau allweddol mewn cydweithio a meddwl yn feirniadol, a sgiliau cyflogadwyedd a chreadigol sydd wedi'u datblygu'n dda sy'n berthnasol i'r Gymru fodern a thu hwnt.

Byddwn yn eich cefnogi i ymgysylltu'n feirniadol ac yn greadigol â'r cyfleoedd a'r heriau sy'n wynebu'r Gymraeg fel iaith leiafrifol mewn ffordd agored a chydweithredol, gan ystyried pwysigrwydd cynaliadwyedd diwylliannol ac amgylcheddol.

Rydym yn croesawu’r rhai sydd wedi astudio’r Gymraeg naill ai fel iaith gyntaf neu ail iaith. Os yw'r Gymraeg yn ail iaith i chi, byddwch yn cael modiwlau penodol yn y flwyddyn gyntaf i ymarfer a gwella eich sgiliau cyfathrebu ac iaith. Ar ôl hyn, mae myfyrwyr iaith gyntaf ac ail iaith yn dod at ei gilydd gyda chymorth pellach i fyfyrwyr ail iaith mewn tiwtorialau iaith a chyfathrebu.

Mae modiwlau craidd yn ffurfio asgwrn cefn y radd ac yn rhoi sylfaen gref ar gyfer archwilio iaith, llenyddiaeth, hunaniaeth a chynaliadwyedd ar draws cyd-destunau hanesyddol a chyfoes. Mae modiwlau dewisol yn caniatáu ichi deilwra'ch astudiaethau i'ch diddordebau personol neu broffesiynol, gyda chyfleoedd i ymchwilio i feysydd fel polisi iaith ac ysgrifennu creadigol. Byddwch hefyd yn datblygu eich sgiliau proffesiynol ac yn dyfnhau eich dealltwriaeth o rôl y Gymraeg yn y gweithle trwy leoliad gwaith pwrpasol lle defnyddir y Gymraeg bob dydd.

Byddwch yn dod â'ch sgiliau a'ch gwybodaeth at ei gilydd drwy ymgymryd â phrosiect ymchwil neu bortffolio creadigol lle byddwch yn cymryd perchnogaeth o'ch dysgu drwy ddylunio a chyflwyno prosiect ar bwnc o'ch dewis sy'n gysylltiedig â'r Gymraeg.

Byddwch yn graddio gydag ystod o sgiliau proffesiynol, gan gynnwys cydweithio, cyfathrebu a dadansoddi beirniadol. Byddwch hefyd yn ymwybodol o'r heriau ieithyddol a diwylliannol sy'n wynebu cymdeithasau amlieithyddol mewn cyd-destunau byd-eang, a bydd gennych y syniadau a'r hyder y mae eu hangen i'w datrys.

Nodweddion Unigryw’r Rhaglen

Dilyn eich diddordebau

Dewiswch o fodiwlau ar draws ystod o feysydd mewn llenyddiaeth ac iaith Gymraeg.

Hyder yn y gweithle

Deall y cyfleoedd a'r heriau sy'n wynebu'r Gymraeg mewn lleoliadau proffesiynol, a meithrin eich hyder a'ch sgiliau ymarferol trwy ddefnyddio'r Gymraeg ar leoliad.

Cyfrannu at fywyd Cymreig bywiog

Cysylltwch â siaradwyr Cymraeg o bob cefndir a chwarae rhan wrth gryfhau'r Gymraeg yng Nghaerdydd.

Meddwl dros eich hun

Ymdriniwch yn feirniadol ac yn greadigol â gwahanol fathau o destunau mewn ffordd annibynnol a meddwl agored.

Cyfathrebu'n effeithiol

Defnyddiwch eich sgiliau Cymraeg i rannu eich syniadau a'ch barn â gwahanol gynulleidfaoedd, ar lafar ac yn ysgrifenedig.